Кездесуге жергілікті полиция департаментінің есірткіге қарсы күрес бөлімінің қызметкерлері, нарколог-дәрігерлер және қоғамдық ұйымдардың өкілдері қатысты. Олар оқушыларға нашақорлықтың зардаптары, оның құқықтық және медициналық салдары туралы кеңінен түсіндіріп берді.

Қостанай облысы полиция департаментінің есірткімен күрес бөлімі қызметкері Ерадилова Айгуль Кабденқызы өз сөзінің аяғында жастай қылмыскер атанғандардың тағдыры жайлы бейнематериал көрсетті. Мамандардың айтуынша, есірткіге тәуелділік – тек жеке адамның ғана емес, бүкіл қоғамның мәселесі. Сондықтан да мұндай алдын алу шараларының маңызы зор. Жиналыс барысында студенттер нақты мысалдар арқылы маңызды ақпарат алды.

Жиналыс соңында қатысушыларға ақпараттық парақшалар таратылып, салауатты өмір салтын ұстанудың маңыздылығы туралы кеңестер берілді.

Бұл кездесу оқушыларға есірткіден алшақ болудың және дұрыс таңдау жасаудың қаншалықты маңызды екенін ұғындыруға мүмкіндік берді.

Шаймагамбетова Нурганым Сулейменовна,
Демесинова Жанна Болатовна,
Қостанай жоғары педагогикалық колледжі оқытушылары