Іс-шараны бақылауға шақырылған  мұғалімдер қатарында:Ибраева Л.Б,Елеусизова Д.А,Гаджиева М.М,Кудиярбекова А.М, Сынып сағатының негізгі мақсаты: ұлттық құндылықтарды дәріптей отырып, студенттердің бойында ұлтжандылық, отаншылдық қабілеттерін қалыптастыру, Отанына деген сүйіспеншілігін арттыру. Сабақтын кіріспесі ретінде Қазақстан Республикасының мемлекеттік әнұраны орындалды.Сабақтын барысында,қолданылған барлық кезеңдерінде “Жебе”, “Кинометафора”, “Бәйге жарысы”, “Керуен”, әдістерін ұлттық нақышта қолданып, тапсырмалар ұсынылды. Сабақ үстінде 1991 жылы 16 желтоқсанда бекітілген тәуелсіздігімізге себепкер болған әрбір тұлғаның ерең еңбектері аталып өтілді. Студенттер жауынгер апа-ағаларымызға арнап өз өнерлерін өлең-күйлерін де ортаға салды. Тек өткен кезеңдерге ғана тоқталып  қоймай, 2050 жылы өз елінің болашағын қандай сипатта көргісі келетінін айтып, сол дәрежеге жетуге арналған идеяларды да талқыға салды.Нәтижесінде топ студенттер болашақ Қазақстанға саяхат жасап, өз еліне деген сүйіспеншілігін арттыруға себепкер болды. Cабақ барысында қолданылған әдіс-тәсілдер,түрлі талқылаулар, топтық жұмыс,слайдтар, әдеби шығармалар мен әндер арқылы , оқушыларды сабаққа белсенді қатысуға шаттандырып,Қазақстанның тәуелсіздігіне байланысты тарихи фотосуреттер мен видеоматериалдармен таныстыруға,Отанға деген сүйіспеншілікке тәрбиелеуге мүмкіндік берді. Тәуелсіздік күніне арнап өткізілген сынып сағатын, тақырыптан ауытқымай “Тәуелсіз елдің қызымын!” атты өлеңімен қорытындылады. Ашық сабақ "Тәуелсіздік – ел бақыты" тақырыбы студенттер еліміздің тәуелсіздігіне деген көзқарасын тереңдетіп, ұлттық мақтаныш сезімін оятты. Бұл сабақ оқушыларды еліміздің тәуелсіздігін сақтап, дамыту жолында өз үлестерін қосуға ынталандырды.

 М-11 тобының жетекшісі:

Тургынбек Тогжан Нурлыбеккызы