Тамақ құрамының құндылығы басты назарда болғаны дұрыс. Тиімді, дұрыс тамақтану денсаулықты сақтауға, ағзаның қалыпты өсуі мен дамуына, жұмыс қабілетінің жоғарылауына және ағзаның, қоршаған ортаның әртүрлі жағымсыз әсеріне қарсылығын күшейтуге ықпалын тигізеді.

Аталмыш мәселе бойынша колледждің  №1 мектеп бөлімінің 1 курс студенттері үшін «Дұрыс тамақтану» атты дөңгелек үстел ұйымдастырылды. Іс-шарада 3-4 курс студенттері тақырып бойынша зерттеу жұмыстарымен сөз сөйледі. Баяндамашылар Садыкова А., Тулепова А., Пшембаева Д., Казионова В., дұрыс тамақтанбаудың зияндығын айтып, статистика, мектеп оқушыларынан сұхбат алынып сондай-ақ, студенттер арасында сауалнама жүргізілгендігін атап өтті. Дөнгелек үстел барысында бейнебаяндар көрсетіліп және дөңгелек үстелге қатысқан студенттер «Мектеп окушыларының» ас мәзірін құрастырды.

Салауатты тамақтану және жоғары дене белсенділігі, спортпен шұғылдану, күйзеліс пен күресе білу, темекіден, ішімдіктен бас тарту жолымен салауатты өмір салтын ұстану арқылы аурулардың алдын алып, денсаулықты және тартымды келбетті сақтап, сұлу да сымбатты, тәні мен жаны жас, белсенді болып жүруіңізге болады.Сондықтан әрқашан дұрыс тамақтанып, спортпен шұғылданып жүрейік.

1 және 4 курс топтарының жетекшілері

Л.А. Сейлова, А.Е.Ералина.