Осы тапсырма негізінде колледжіміз түрлі деңдейдегі челлендждер мен эстафеталарды қабылдап өзге әріптестерімізге жолдап келеді. Сондай-ақ Абай өмірі мен шығармашылығы келер ұрпаққа насихаттау мақсатында колледжіміз қабырғасында Филология кафедрасының күні аясында «Асыл сөзді іздесең, Абайды оқы, ерінбе» атты әдеби кеш өткізілді. Бұл кештің өзгелерінен ерекшелігі Абай тағдырын танып қана қоймай оның өмірін өзгелерге сахыналық қойылым ретінде көрсетіп берді. Ісшараға колледжіміздің Ак-11, Ар-11, Ар-13, М-11, Муз-11, Т-11, Ак-31 топтары қатысты. Басым бөлігі бірінші курс студенттері өз белсенділігін көрсете отырып, сахына мәдениетін, сөйлеу өнерін дамыта білді. Ісшарада тек қойылым ғана емес сондай-ақ студенттерден құралған хор А.Құнанбаевтың «Көзімнің қарасы» әнін шырқады. Өз заманының озық тұлғасы Абай мен оның ортасын бейнелеп көрсету біздің студенттерімізге де үлкен мәртебе болды.

Іс шараның ұйымдастырушылары Филология кафедрасының оқытушылары Кудиярбекова А.М., Арыстан Н.Н. тарапынан қатысушыларға алғыс білдіреміз. Абай өмірін, Абай тағылымын танып білуден шаршамаңыздар.

Арыстан Н.Н.

Ссылка фотографии: https://www.facebook.com/111253956924427/photos/a.202723784444110/202723824444106/?type=3&theater