Осыған байланысты Арқалық қаласы Жас Отан жастар қанаты мен Жастар ресурстық орталығының ұйымдастыруымен облыстық дебат турнирі өтті. Таңнан кешке дейін созылған қызықты ойынға 27 команда қатысты, Қостанай қаласынан 12 команда өнер көрсетті. Нәтижесінде, 1 орында А.Байтұрсынов атындағы ҚМУ «Ахмет Ұрпақтары» ПК ойыншылары Шуйншибаев Мұратхан мен Сабитов Даулет иеленсе, жүлделі 2 орынды Қостанай педагогикалық колледжінің «Алаш болашағы» ПК ойыншылары Макатова Қарагөз бен Батырханова Асем иеленді. 3 орын А.Байтұрсынов атындағы ҚМУ «Ахмет Ұрпақтары» ПК ойыншылары Толепова Айгерім мен Сраждин Гаухар иеленді. Үздік спикер атағын А.Байтұрсынов атындағы ҚМУ «Ахмет Ұрпақтары» ПК мүшесі Шуйншибаев Муратхан иеленді. Болашақта осыдан да биік белестерге жететіндеріне сенім мол. 

Пікірсайыстың жастарымызға берері көп, өйткені сөз саптау шеберлігі артып, ойлау қабілеті дамыйды, сөздік қоры молаяды, ақпаратпен жұмыс жасай алады. Жас келсе іске дегендей, болашақ жастарымызды қолдарынан демеп, биікке ұшуларына мүмкіндік жасайық.

Г.Г.Бейсенбаева