Ағылшын тілі мұғалімі Шагатаева Зауреш Жарасбаевна, яғни ұйымдастырушы, ағылшын клубының 4-курс студенттеріне біріккен жұмысты дайындауға қолқа салды, қыздар қуана-қуана келісіп, енді ғана қадамдарын басып келе жатқан  студенттердің алдыңғы машықтамаларында үлкен көмек болатын интернет-құрылғыларымен бөлісуді жөн көрді. Өткізілген іс-шараның басты мақсаты бірінші, екінші курс студенттеріне машықтамадан өту кездерінде үлкен көмек болатын жаңа заманға сай, қызықты әрі оқушыларға ағылшын тілін оқыту үдерісін ерекшелендіруші ғажайып ғаламтор-құрылғыларын ұсыну және толық  пайдалану жұмыстарын түсіндіріп, көрсетіп берді. Шеберлік-сыныбын ұйымдастырушылары өздерінің тәжірибелеріне қолданып, оқушыларға жағымды әсерін көргеннен кейін, ең керемет деген 100 ден

 4 әмбебап интернет-құрылғыларын іріктеп алып, қажеттіліктері бар студенттермен бөлісу мүмкіндігіні алды.

Бірінші, «Learningapps.org» күрделілігі әртүрлі деңгейдегі интерактивті тапсырмаларды жасауға арналған қосымшаны АК-41 тобының студенттері Тұрсынбек Нұрбаян және Кенжибаева Аида  үтір, нүктесіне дейін студенттерге таныстырып шықты. 

Келесі кезекте, өзге сервистерден мүлдем бөлек «Islcollcetive.com» ғаламтор-порталындағы оқушылардың назарын бірден жаулап алатын артықшылықтарды АК-41 тобының студенттері Маряк Динара мен Съездбекқызы Дильназ тыңдаушыларға жаңалық болып келген ақпараттарды қысқа да, нұсқа түсіндіп кетті.

Сол сияқты, "Challenge stage" сабақтағы тақырыпқа байланысты «Миға шабуыл» әдісін Ар-43 тобының студенттері Иржанова Алсу, Михайлова Мария, Султанбекова Диана  көрермен студенттермен бірлесе отырып белгілі бір тақырыпқа арналған « Миға шабуылды» ұйымдастырды.

Сонымен қатар, АК-41 тобының студенттері Мурзагалиева Аружан мен Ахетова Жанерке «Kahoot» мектептерде және басқа да оқу орындарында білім беру технологиясы ретінде қолданылатын ойын оқыту платформасына түсінік беріп өтті.

Әр түсіндірілімнен кейін тыңдап отырған студенттерден сұрақ-жауап, пікір сұрай отырып,  кері байланыстаржүргізілді.  Студенттер экранның арғы бетінде отырса да өте шапшаң түрде шеберлік-сыныбынан  алған мәліметтердің маңызды екендігін, болашақтаәрі міндетті түрде машықтамада қолданатындықтарын атап өтті.. 

Ак-41 тобының студенті Маряк Динара