2021 жылғы 22 қаңтарда "Қостанай облысы әкімдігінің білім басқармасы" ММ басшысының № 52 бұйрығымен колледждің Қамқоршылық кеңесінің құрамы бекітілді, оның құрамына ата-аналар, педагогикалық еңбектің ардагерлері, әлеуметтік әріптестер мен мемлекеттік органдардың өкілдері кірді. Қамқоршылық кеңестің жұмысын ұйымдастырудың үлгілік қағидаларына сәйкес Қамқоршылық кеңестің хатшысы Білім беру ұйымының қызметкерлері қатарынан тағайындалады және қамқоршылық кеңестің мүшесі болып табылмайды, колледж директорының бұйрығымен Қамқоршылық кеңестің хатшысы болып Жармухамбетова Алтынгуль Алдабергеновна тағайындалды.

Қамқоршылық кеңесі отырысына колледжінің директордың орынбасарлары шақырылды: Ахат Камар Закарияқызы, Баранова Светлана Анатольевна, Жунусова Кымбат Сагандыковна, Кубжасарова Жанар Илеусизовна, Морозенко Светлана Михайловна, Чуркина Татьяна Александровна.

Қамқоршылық кеңесінің мүшелері келесі мәселелерді қарастырды:

- Білім беру ұйымдарында қамқоршылық кеңестің жұмысын ұйымдастырудың және оны сайлау тәртібінің үлгілік қағидалары туралы,

- Колледждің Қамқоршылық кеңесінің төрағасын сайлау,

- Колледждің әкімшілік-басқару қызметкерлерінің мүшелерімен танысу,

-Оқу-тәрбие үрдісінің заманауи материалдық базасын құру бойынша колледж жұмысы туралы.

Қамқоршылық кеңестің төрайымы болып педагогикалық еңбек ардагері, педагогикалық училищенің 1975 жылғы түлегі, көп жылдар бойы колледждің әлеуметтік серіктесі болып табылатын № 24а бастауыш мектебінің педагогикалық ұжымын басқарган Каримова Сауле Елеусизовна сайланды,

Колледж директоры Уразамбетова Г.У.Қамқоршылық Кеңестің алдыңғы құрамының жұмысы кезеңінде Қамқоршылық кеңес мүшелері мен колледж әкімшілігін қолдау, көмек көрсету, түсіну жақсы қарым-қатынастар орнатылғанын, бүгінде колледжде басқарушылардың жоғары білікті командасы жұмыс істейтінін атап өтті. Директордың орынбасарлары жетекшілік ететін мәселелер мен өздерінің лауазымдық міндеттері туралы айтып, Қамқоршылық кеңес мүшелеріне колледж жұмысының жоспарлары мен басты бағыттарын іске асыруға ұсыныстар мен тілектермен жүгінді.

Соңғы жылдары колледж оқу-тәрбие процесінің қазіргі заманғы материалдық базасын құру бойынша мақсатты жұмыс жүргізуде. Әрине, колледж бойынша экскурсия өткізіп, барлық құрылған кабинеттерді көруге олады, бірақ жағдай қашықтықты сақтауды талап етеді, сондықтан Қамқоршылық кеңес мүшелерінің назарына колледждің жаңа кабинеттері мен материалдық базасының дамуы туралы әңгіме мен бейнефильм ұсынылды, оларды директордың ақпараттық технологиялар жөніндегі орынбасары Жанар Илеусизовна Кубжасарова таныстырды.

Қамқоршылық кеңесінің мүшелері Мачнева Светлана Григорьевна, Каримова Сәуле Илеусизовна, Венгерская Елена Владимировна колледж жұмысының көптеген оң бағыттарын, педагогикалық және студенттік ұжымдардың белсенді азаматтық ұстанымын, колледждің оқу-материалдық базасын дамыту және жетілдіру бойынша мақсатты жұмысты атап өтті.

Колесникова Н.В., колледж әдіскері