«Ахмет Жұбановтың  шыңдары» атты әдеби-музыкалық  танымдық кеш өткізілді. Іс-шараны ұйымдастырушылар  эстетикалық талғамы жоғары, шығармашыл тұлғаның қалыптасуына ықпал ету, жастарға  рухани-адамгершілік  тәрбие беру мақсатын  көздеді.
Аталмыш мәдени басқосуға Қостанай облысының білім беру ұйымдары Балалар өкілдіктерінің  өкілдері, балалар ұйымдарына жетекшілік ететін білім беру ұйымдарының  қызметкерлері, Қостанай педагогикалық колледжінің 1 және 2 курс студенттері,  мектеп оқушылары қатысты.
Әдеби-музыкалық сағат музыкатанушы-ғалым, Қазақстанның халық әртісі, өнертану ғылымының докторы, профессор Ахмет Жұбановтың 115  жылдығына арналды. Мұндай мәдени іс-шаралар қазіргі жастарымыздың эстетикалық талғамының дамуына, музыкалық өнерге қызығушылығын арттыруға мүмкіндік береді.
Ұлы Дала елінің тамаша  мәдениет қайраткерінің  мұрасымен танысу, алтын қорымызда сақталған музыкалық  шығармаларын тыңдау, сезіну мәдени құндылықтарымызды танып-білуге,ұлттық өнерімізді бағалауға , ұлы тұлға тағылымынан нәр алуға, әсемдікті  сүюге жетелейді.

Райхан Урузбаева,
ҚПК кітапханасының меңгерушісі