Кәсіптік бағдар беру жұмысының тиімді түрлерінің бірі ата-аналармен жұмыс болып табылады, өйткені олар мектеп оқушыларының кәсіби ниеттерін қалыптастыруда маңызды рөл атқарады. Ал жасөспірімдердің гүлденген болашағы ата-аналардың мамандық таңдау бойынша ұсыныстарды қаншалықты сауатты қабылдап, соның нәтижесінде балаларына көмектесетініне байланысты. Бұл кезеңде үлкендердің қолдауы қажет: психологиялық-педагогикалық қолдау, мектеп пен отбасының бірлескен қызметі. Осыған байланысты мектепте қаламыздағы түрлі үлгідегі оқу орындарының өкілдерімен кездесулер ұйымдастырылуда.
  Тайжанова Д.Ж. №19 мектеп директорының тәрбие ісі жөніндегі орынбасары 18 қаңтар күні тоғызыншы сынып ата-аналар жиналысы аясында Қостанай жоғары педагогикалық колледжінің «Мектепке дейінгі тәрбие және оқыту» бөлімінің өкілдерімен және мектеп оқушыларының ата-аналарымен кездесу ұйымдастырды. Бұл кездесуде ата-аналарға колледжде қандай мамандықтар бойынша білім алып жатқандары, студенттердің өздері тікелей қатысатын іс-шаралар бейнеролик пен презентация арқылы таныстырылды. Ата-аналарға барлық бағыттар бойынша оқыту нысаны мен оқу ұзақтығы, әлеуметтік көмектің мөлшері мен алу шарттары туралы ақпарат берілді.
  Кездесуге қатысушылардың әрқайсысы Қостанай жоғары педагогикалық колледжі туралы маңызды және қажетті ақпаратты, сондай-ақ «Талапкер 2024» кітапшасын алды.
  Кездесу соңында колледж өкілдері Подкалюк Л.Н. және Нурпеисова М.Ж. ата-аналарға балаларын алынған ақпаратқа қызықтырып, болашақ мамандығын анықтауға көмектесулерін тіледі.

Нурпеисова М.Ж., Мектепке дейінгі тәрбие кафедрасының арнайы пәндер оқытушысы