Бірінші сұрақ кафедра меңгерушісі Шопанова А.Б. « Қазіргі Қазақстандақ білім беруде инклюзивті білім беруді жаңа идеология ретінде ізгілендіру» атты баяндамасын тыңдады. Педагог Қазақстандағы білім берудің барлық сатыларында инклюзивті білім беруді енгізудің әлемдік тәжірибесін түсіну оны адамгершілік және қолжетімді етуге мүмкіндік беретініне назар аударды, оқытушыларды қазіргі уақытта колледжде қолданылатын әдістемелер мен тетіктермен таныстырды. Отырыстың келесі мәселесі кафедра апталығын егжей-тегжейлі талдау болды. Кафедра меңгерушісі педагогтарға ұжымның ұйымшыл жұмысы үшін, жобалаудағы креативтілігі және жоспарланған іс-шараларды жариялаудағы жеделдігі үшін алғысын білдірді. Кафедра педагогтарына кафедра апталығын өткізу бойынша ұсыныстар берілді. Отырыс барысында кафедра педагогтарының колледж сабақтары мен іс-шараларына өзара қатысуына қатысты мәселе қаралды, өйткені қызметтің бұл түрі педагогтардың біліктілігін арттыру нысандарының бірі болып табылады. Сабаққа қатысудың мақсаты-колледж мұғалімдерінің жұмыс тәжірибесін зерделеу, оны жалпылау және оқытушылық және тәрбие жұмысының өз тәжірибесіне тиімді әдістерді енгізу.          

Шопанова А.Б., Шет тілдер

кафедрасының меңгерушісі