Шешендіктің кілті – дебатта дейді. Дебат ойнай білу болашақ мұғалім үшін де, келешек ұрпақ үшін де маңызды. Себебі, Асхат Аймағамбетов ағамыз айтпақшы, дебат тек зияткерлік ойын емес, ол – сыни ойлау дағдыларын қалыптастырып, ақпаратты дұрыс талдауға, командамен бірлесіп жұмыс істеуге, сұрақ қойып, оларға нақты жауап беруге үйрететін білім беру технологиясы. Біздің мекеменің басты мақсаты білімді, білікті маман дайындау болғандықтан менде осыған өз үлесімді қоссам деймін.

Түрлі пікірталас сайыстарына қатысу арқылы болашақ мұғалімде қандай қасиет қалыптасады? Ең алдымен өзіне сенімді азамат немесе азаматша болып дағдыланады. Араторлық қасиеті дамып, ақ пен қараны ажырата біледі. Түрлі тақырыптар аясында ойындар ойнағандықтан жан-жақты дамып, жаңашыл әрі ғылым мен білім саласынан хабардар болады. Осындай қасиеттерді білім алушылар бойында дамыту үшін біз әр сенбі сайын облыстық, республикалық сайыстарға қатысып, тәжірбие алмасатын боламыз. Түрлі қызықты мастер-класстар мен тренингтер арқылы білімімізді кеңейтіп, үлкен достық алаңын құрамыз.  Әлі талай жеңісті қанжығамымызға салып, колледж есімін танылтамыз деп сенемін.

Алаш болашағы пікірсайыс

үйірмесінің жетекшісі:

Ж. Н. Сандыбекова