«Қазақстанның экологиялық фонды» ҚҚ  ұйымдастырған Қазақстан Республикасының колледждері мен жоғары оқу орындарының студенттері арасында эко блогерлер - студенттер арасында «Ең үздік эко видео» атты бейнероликтер конкурсына қатысты.

Конкурс «Азаматтық бастамаларды қолдау орталығы» КЕАҚ  қолдауымен «Экологиялық мәдениетті арттыру және жастар мен балалар үшін қолайлы эко-жағдайлар жасау жөніндегі кешенді шаралар»  жобасын іске асыру шеңберінде өткізілді. Конкурстың мақсаты - экологиялық тақырыптағы бейнероликтер базасын құру және жаппай тарату арқылы экологиялық білім беру тәсілдері туралы студенттердің білімін кеңейтуге және табиғатты қорғау ісіндегі нақты іс-әрекеттерге халықты ынталандыруға ықпал ету.

Біздің колледжің студенттері Кристина мен Виолетта осы конкурсқа арнайы қоршаған ортаға ластағыш заттардың әсерін көрсететін бейнеролик түсірді.  Бейнематериалда қоқыс мәселесі, пластикалық дорбалардың қоршаған ортаға зияны жайлы айтылады. 

Мамыр айында конкурс қорытындысы шықты. Мәдениет бөлімінің студенттері Афанасьева Виолетта мен Филипович Кристина Республикалық эко-блогерлер конкурсында топ жарып жүлделі 1 орынға ие болды, сыйақы ретінде 150 000 тенге ұтып алды.

Жеңімпаздарды құттықтай отырып, осы жеңісті жолдары ары қарай жалғасады деген сенімдеміз.

Демесинова Жанна Болатовна

Жаратылыстану-гуманитарлық пәндер кафедрасы

география пәні мұғалімі