Осы құндылықтарды ұстанған адам өзіне және өзгелерге құрметпен қарап, өміріндегі қиындықтарды адал жолмен жеңуге тырысады. Адалдық — бұл қоғамның іргетасы, еңбек — оның тірегі, ал табыс — бұл еңбектің нәтижесі. Осы үш құндылықты ұстана отырып, адам өзін де, қоғамды да жоғары деңгейге көтереді. Адал адам, адал еңбек, адал табыс — бұл әлемдегі ең құнды нәрселердің бірі. Тек осы қағидалармен өмір сүргенде, адам шынайы бақыт пен жетістікке жетеді. Т-31 тобында  «Адал адам. Адал еңбек. Адал табыс!» тақырыбында топ сағаты ұйымдастырылды. Мақсаты – студенттерге адалдық пен еңбексүйгіштік құндылықтарын түсіндіру, қоғамда әділдікті сақтау мен таза табысқа жетудің маңызын ұғындыру. Топ сағаты барысында студенттер адалдықтың адам өміріндегі маңызына тоқталып, тақырып бойынша өз пікірлерін ортаға салды. Топ жетекшіміз тақырыпты жан-жақты талқылап, адал еңбек пен әділ табыстың өмірдегі рөлі туралы нақты мысалдар келтірді. Осы тақырып төңірегіндегі сұхбат студенттерге адал болудың қаншалықты маңызды екенін ұғынуға мүмкіндікбереріне сөзсіз сенімдімін.

Жармухамбетова А.А.,

Т-31 тобының студенті Шаймерденова Диана