ЖББ ФМБОМ Қостанай филиалы бірлесе отырып «Қазақ жазуы: бүгіні мен ертеңі» атты ғылыми-теориялық конференция өткізген болатын.

Латын негізді қазақ тілін оқыту мен халық арасында кеңінен насихаттау мақсатында өткізілген аталмыш ісшараға облысымыздың мектеп мұғалімдері мен колледж, жоғары оқу орындарының оқытушылары қатысты. Сондай-ақ конференцияға арнайы Ш.Шаяхметов атындағы «Тіл-қазына» ұлттық ғылыми-практикалық орталығының әдістемелік басқармасы аға қызметкері, филология ғылымының кандиданты Кенжемұратова Сәлима Кенжемұратқызы қатысып конференция барысындағы жаңа жазбаға байланысты жаңалықтармен бөлісіп, көрермендер тарапынан қойылған сұрақтарға жауап берді.

Конференцияда облысымызға танымал ғалымдар да пленарлық отырысында сөз алып латын негізді қазақ әліпбиінің тарихымен таныстырды. Осы ғылым кандиданттармен қатар колледжіміздің қазақ тілі мен әдебиетінің оқытушысы, жас маман Арыстан Нұралы Нұрланұлы «Қазақ тілінің жаһандану дәуірінде сақтап қалу және келер ұрпаққа дәріптеудегі мәселелер» деген тақырыптағы мақаласымен таныстырып, колледж қабырғасындағы латын негізді қазақ графикасына өту мақсатындағы жасалып жатқан жұмыстармен бөлісті. Сондай-ақ жас маман ретінде аға буын өкілдері тарапынан қойылған сұрақтарға белсене жауап беріп, жұртшылық ризашылығына бөленді.

Филология кафедрасының меңгерушісі:

Кенжегарина А.А.

Директордың оқу-әдістемелік жұмыс жөніндегі орынбасары:

Жунусова К.С.