Сабақтың мақсаты: қазақ тілінде берілген мәтіндер негізінде студенттердің отбасындағы сыйластық ұғымы жайлы білімдерін арттыру және қарапайым сөйлеу үлгілерін пайдалану арқылы студенттерді отбасын қадірлеуге тәрбиелеу. Берілген дескрипторлар бойынша тапсырмалар орындалды: студенттер  отбасы мүшелері (ата-ана, ұл, қыз) туралы іздестірген мақал-мәтелдерін қазақша, орысша, ағылшын тілінде айтады; қазақ тіліндегі сөйлеу үлгілері арқылы отбасы мүшелері туралы өз ойларын ортаға салады; тақырып аясында достарымен отбасындағы сыйластық бойынша ақыл-кеңес береді; қажетті ақпараттарды орынды қолданады; көтерілген мәселе бойынша өз ойын дәлелдеп, эссе жазады; мәтіннен мақал –мәтелдерді табады; мәтіндегі сын есімдерді қолдана алады. Осындай дескриптор талаптарын студенттер толығымен орындап, жоғары деңгейде білімдерін дәлелдей білді.  QR-код арқылы мақалдарды толықтырып, сабақтың тақырыбын ашты. Баланың дамуында қай ортаның рөлі басым?,- деген сұраққа студенттер өз ойларын іркілмей жеткізе білді.

Сабақ  өте қызықты, мағыналы өтті. Оқытушы Ляззат Алдабергеновнаның мінезінің бірқалыптылығы студенттерді өздерін еркін ұстап, сабаққа белсене қатысуларына себепкер болды. Сабақ соңында « Әке туралы ән»  айтылып, студенттердің отбасынан құралған фотоколлаж көретілді. Осындай әдістемелік жағынан дұрыс, әсерлі, мағыналы құралып, өткізілген сабақтан жастардың алар үлгісі мол екеніне сенім білдіре отырып, У- 11 тобының студенттері мен оқытушысы Ляззат Алдабергеновнаға алғыс білдіремін.

Филология кафедрасының оқытушысы

Жармухамбетова Алтынгуль Алдабергеновна