Қостанай педагогикалық колледжінің мектепке дейінгі тәрбие және оқыту мамандығында жекеленген пәндер оқытушысы болып 11 жылдан астам уақыт болашақ мамандар даярлауда өз үлесін қосып жүрген ұлағатты ұстаздардың бірі- Рахпанова Бақыткүл Ғанимқызы. Биыл Қазақстан қоғамдық даму институның ұжымы ұйымдастырған «Қажымас еңбек – табыс кілті» - атты жобаға 2021 жыл қыркүйек айында қатысқан болатын. Жобада Бақыткүл Ғаниқызы өзінің 30 жыл еңбегінің жетістіктері туралы эссе жіберген болатын. 

Бақыткүл Ғаниқызы өте талантты, үлкен шығармашылық потенциалы бар және студенттердің танымдылық қабілетін дамытып, олардың сабаққа деген белсенділіктерін арттыруға дағдыланған педагог.«Қостанай дарынды» өңірлік ғылыми-практикалық орталығы жанындағы Облыстық сарапшылық кеңесте ұлағатты ұстаз  «Балабақша мен ата –аналар арасындағы қарым-қатынас» - атты әдістемелік құралын жазып, лицензиялық жұмысын қорғап, куәлік алды.Жыл сайын өзінің біліктілігін арттыру үшін курстардан өтіп отырады. Бақыткүл Ғаниқызы жауапкершілігі зор,ізденімпаз ұстаз.

Педагогтың еңбек жолы еліміздің тәуелсіздігінің 30 жылдығымен орайласып тұр.   30 жыл бойы еңбек етіп ,өз  тәжірибесін студенттерге тәлім -тәрбие беруге жалықпай, талмай жұмыс жасап жүрген жан.

Қазақстан Республикасы тәуелсіздігінің 30 жылдығына орай ұйымдастырылған  электронды жоба сайысына қатысып, жеңімпазы болдды.«Қажымас еңбек – табыс кілті» - атты жобаға қатысып,мадақтама қағазын алды.Алдағы уақытта, тәжірибелі маманның биік шыңдарға жетіп, еңбек жемісіне жете беруіне тілектеспіз. Өскелең ұрпақ тәрбиелеуде,өз үлесін қосып, болашақ мамандардың тәуелсіз еліміздің білім беру саласында қажымай еңбек ететін ұстаздар қатарын көбейту үшін, еңбек ететініне кәміл сенеміз.

Бөлім меңгерушісі: Абдиханова К.О.