Болашақта жақсы, білімді, қажетті маман иесі болу әрбір оқушының алға қойған мақсаты, арманы десек те болады. Кәсіби бағдар  – білім алушының кәсіби қызығушылығына, жеке қабілеттері мен психофизиологиялық ерекшеліктеріне сәйкес білім алудағы және кәсіби саладағы мүмкіндіктерді, мамандықты және оқу орнын еркін әрі саналы түрде таңдау құқықтарын іске асыруда ақпарат беру және консультациялық көмек көрсету.  Мектеп бітіруші түлектерге дұрыс мамандық таңдауға бағыт-бағдар беру мақсатында  15 ақпан күні Қостанай қалалық № 9, №122 мектептер мен Ұзынкөл ауданының мектептері арасында «Сапалы білім-табысты мансапқа апаратын жол» атты мектеп түлектерімен онлайн кездесу ұйымдастырылды. Кездесудің мақсаты жастарға колледждегі мамандық түрлері туралы ақпарат беру, ұйымдастырушылары филология кафедрасының оқытушылары  Сейлова Ляззат Алдабергенова мен Кудиярбекова Айгуль Максутовна.  Болашақ түлектерге колледжіміз туралы  мағлұматтар берілді. Колледждің заманауи материалдық-техникалық базасы, оқытушылардың сапалық құрамы, мәртебелі түлектер және ерекшеліктерін баяндалды. Білім ордамыздың стратегиялық бағыт-бағдарын, оқу-тәрбие процессіндегі жетістіктерді насихаттайтын бейнебаян көрсете отыра оқушылардың өз қабілеттері мен талаттарын ашуға мүмкіндік бердік. Атап айтқанда, озық тәжірбиесі мен бай тарихы бар «Бастауыш білім беру» «Мектепке дейінгі тәрбие және оқыту»  т.б білім ордамыздағы мамандықтарды таныстырып шықтық. Сонымен қатар колледжімізге қабылдауға қажетті құжаттармен таныстырып, қойылатын талаптар туралы ақпарат бердік. Мектеп оқушылары өздерінің көкейлерінде жүрген сұрақтарын қойып, колледжіміз туралы толық ақпарат  алды.

Сейлова Ляззат Алдабергеновна,
Филология кафедрасының оқытушысы