Әркім Алғыс алу арқылы өзінің басқалармен қарым-қатынасын, өмірдегі орнын бағалай алады. Қазақ халқының ұғымында неғұрлым көп Алғыс алған адам бақытты болады.

        Алғыс айту күні – бұл, ең алдымен елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған  бейбітшілік пен келісім саясатының салтанаты күні. Бұл – тағдыр тәлкегімен Қазақстан жеріне еріксіз қоныс аударған түрлі этностардың миллиондаған өкілдерінің құтты қонысына айналған қасиетті қазақ жері мен қонақжай қазақ халқына терең тағзымның белгісі. Қазақ халқы қиын-қыстау заманда олардың басына түскен ауыртпалықты қайыспай бірге көтере білді, бұл бүгінгі таңда еліміздегі түрлі ұлт өкілдерінің арасындағы адамгершілік қарым-қатынастың өнегелі өлшеміне айналды. Алғыс айту күні – сан түрлі сынақтардан өткен халқымыздың ынтымақ-бірлігін айғақтайтын ерекше күн. Бұрынғы бабаларымыздан «Жақсылық ұмытылмайды» деген жақсы ұғым қалыптасқан.

Сондықтан айтулы күн, ризашылық пен мейірімнің, бейбітшілік пен келісімнің үйлесім тапқан мерекесі.

       Адамзат баласын жақындастыратын құнды қасиет – адамгершілігі. Адамгершілігі мықты жанның әркезде де өзгелерге көмектесіп, алғыс алуы анық. Бір-біріне алғыс айту арқылы араларындағы сүйіспеншілік пен махаббатты нығайта түседі. Бұл мерекенің басты мақсаты – өскелең ұрпақтың достығы  мен бір-біріне деген құрметін арттыру. Осындай ерекше күнге орай біз өз тобымыздың арасында мерекелік іс-шара куратор сағатын өткіздік. Іс-шара өтуіне жауап берген, өткізген білім алушылар: Рамазанова Ляззат, Ювчинникова Юлия, Таева Зейнеш. Өткізілген куратор сағатында бір-бірімізге жылы лебіздер мен тілектер арнап, төрт жыл ішіндегі алғысымызды білдірдік.

      Бұл күн мейірімділіктің, бүкіл қазақстандықтардың бір-біріне деген достығы мен махаббатының жарқын мерекесі болып қалады», - деп өз айтқан. Мен өз елімде еркін өмір сүріп жатқаным үшін Қазақстан халқына, отбасымда мені шексіз жақсы көріп, бар мейірімімен тәрбиелеп жатқан ата-анама, мені қолдап әркез қасымда жүрген бауырларым мен достарыма, мені білім нәрімен сусындатып жүрген ұлағатты ұстаздарыма шексіз алғысымды білдіремін. Сіздерді 1 наурыз – Алғыс айту күні мерекесімен шын жүректен құттықтаймын!

                                                         Т-41 тобының студенті Есенғали Ұлболсын