Заманымыздың заңғар жазушысы М. Әуезовтің сөзімен айтқанда, «Кітап -әр адамның өмірлік досы». Кітап-нәзік те, тұнық әлем.  Ұлтымыздың мерейі мен деңгейі, қоғам мен мемлекетіміздің өркенін өсіруде қыруар пайда келтіретін осынау рухани қазынамыз - кітап.
   Іс- шараның мақсатты: оқырмандарды кітапханаға тартуға, оқырмандар белсенділігін және білім алушылар оқуының сапасын арттыруға, олардың зияткерлік және рухани- имандылық дамуына ,жыл бойына өткізілген  іс -шараларды қортындылау мақсатында жүргізілді.
   Колледж кітапханасы қазіргі таңда оқуға құштар колледж жобасын іске асыру аясында  мынадай  іс - шаралар өткізді.
   «Ең үздік топ» конкурс, «Менің кітапханам» бейнежазба, «М. М. Пришвин бояуларының калейдоскобы» әдеби қонақжай, «Кітапхана журфиксі», «Кітап сыйла» акция, «Тәлімгер қандай кітап оқиды?»
акция, «Поэзияның шексіздік әлемі...» әдеби гиді.
   Кеш «Жүр досым кітапханаға» атты әсем әнмен ашылды. Кеш жүргізушілері  Бейбарыс Файзолла мен Карина Найзагаринева кітап туралы өлең  жырларын оқыды. Кітапхана меңгерушісі Урузбаева
   Райхан Шаканқызы кітапхана оқырмандарын алғысхат, мадақтамалармен марапаттады.
   Шара аясында кітап көрмесі мен бейнежазбалар көрсетілді. Қазіргі кезде қоғамымыздың дамуына қарай ақпаратты  жан - жақты аудио,  видео, интернет жүйесі арқылы мүмкіндік туғанымен, кітапхана арқылы әдеби кітаптарды оқи отырып алатын білім мен салауаттылықтың орны ерекше. Қасиетті қазынамыз кітаптарды көзіміздің қарашығындай сақтайық.

Қостанай педагогикалық колледжінің  кітапханашысы
Байгазина Л.Ж.