Жас педагог мектебінің алғашқы отырысы жаңадан бастаған педагогтардың өміріндегі маңызды оқиға. Бұл жас педагогтардың білім берудегі мансаптық өсу мен даму жолына алғаш рет қадам басқан сәті. Мұнда олар білім мен дағдыларды ғана емес, сонымен қатар табысты педагог болу үшін қажетті шабытты да алады. Әдіскер Кусеубаева Жанар Абилкасовна жас педагог мектебінің мақсаттары мен міндеттері туралы ақпарат беріп, 2023-2024 оқу жылына арналған жұмыс жоспарымен бөлісті.

Директордың оқу-әдістемелік жұмысы жөніндегі орынбасары Чуркина Татьяна Александровна жас және жаңадан келген педагогтарға кәсіби стандартты ұсынды. Бұл мұғалімдерге өздерінің кәсіби қызметтерін бағдарлауға және білім беру жүйесінің жоғары талаптарына сәйкес келуге көмектесетін маңызды құжат, сонымен қатар  біліктілік санаттары бойынша мұғалімдердің құзыреттілік критерийлеріне ерекше назар аударды.

Білім беру мекемелеріндегі ақпараттық қауіпсіздік студенттер мен қызметкерлердің құпия деректерін өңдеу мен сақтауды ескере отырып, өте маңызды аспект болып табылады. Аталған ақпаратпен директордың ақпараттық технологиялар жөніндегі орынбасары  Кубжасарова Жанар Илеусизовна бөлісті.

Бөлім меңгерушісі Ибраева Ляйлим Бериковна жас педагогтарға колледж білім алушыларының оқу жетістіктерін бағалаудың балдық-рейтингтік әріптік жүйесін пайдалана отырып, теориялық оқыту журналдарын жүргізу бойынша ұсыныстар жасады.  Ляйлим Бериковна теориялық оқыту журналдарын уақытылы толтырудың маңыздылығын айтты және бұл студенттердің өз біліміне белсенді қатысуын ынталандыруға және оқу процесінің сапасын арттыруға көмектесетіндігін атап өтті.

Педагог-психологтың жетекшілігімен отырыс соңында «Оқу процесін ұйымдастырудағы педагогтардың қиындықтарын анықтау» диагностикалық сауалнамасын өткізу оқыту процесінде педагогтардың тап болуы мүмкін ықтимал проблемалар мен қиындықтарды анықтау үшін пайдалы тәжірбие болып табылады. Анара Сергеевна мұғалімдер күнін мерекелеу қарсаңында танысу тренингін және сыйлықтарды бірлесіп жасауды ұйымдастырды. Бұл жас педагог мектебінің мүшелері арасындағы достық қарым-қатынасты нығайтудың тамаша тәсілі.

Отырысқа қатысушыларға Жас педагог мектебінің 2023-2024 оқу жылына арналған жұмыс жоспары бар буклеттер таратылды, олар барлық жоспарланған іс-шаралардан хабардар болуға және оларға белсенді қатысуға көмектеседі.

Жас педагог мектебі жас педагогтарды даярлауда және дамытуда маңызды рөл атқарады, оларға білікті және табысты кәсіпқой болуға көмектеседі.

Мен үшін ең маңыздысы бұл менің кәсіби жолымның бастамасы ғана екенін түсіну болды. Жас педагог мектебі маған оқу мен өсу үшін көптеген ресурстар мен мүмкіндіктер берді.

Кусеубаев Азамат Бралинович,

 жаратылыстану-гуманитарлық пәндер кафедрасының оқытушысы