Сапалы білім-болашақта мақсатқа жетудің басты кепілі.

Әлемде жұмысшы мамандығы беделді және сұранысқа ие болуда. Оны біздің аймақта 30 колледжден 113 қатысушы-студенттерді біріктіріп өткен WorldSkills Kostanay-2018 чемпионаты дәлелдеді.

Үздік мамандықтар атағына ие болу  сайысы 26 наурыз және 6 сәуір аралығында бір мезгілде Қостанай, Рудный қалаларында және Тобыл кентіндегі техникалық және кәсіптік білім ұйымдарындағы 7 алаңда WorldSkillsтің 15 құзыреттері бойынша өтті 2018 жылғы 6 сәуірде "Мирас" Мәдениет үйінде WorldSkills Kostanay-2018 чемпионатының жабылу салтанаты ұйымдастырылып, жеңімпаздар дипломдар мен медальдармен марапатталды.

Қостанай педагогикалық колледжінің студенттері мен оқытушылары чемпионат жеңімпаздарына. өз шығармашылық бағдарламасын сыйлады. "Болашақ Энергиясы" хореографиялық композициясы, "Жүрек дауысы" вокалдық студиясы (жетекшісі Лопарева Ю. В.) орындаған "Туған жер" әні,  "Новое поколение" вокалдық студиясы (жетекшісі Авдеева Н.А.) орындаған әндер көрермен жүрегінен ерекше орын алды. Келген қонақтар мен жеңімпаздарға «Ложкарей» (жетекшісі – Сагумбаева А. С.) ансамбелі керемет музыкалық сый сыйлады. Рәсімнің ең шарықтау шегі Қостанай педагогикалық колледжі мәдениет бөлімінің студенттерінің орындаған хоры «Сен ғажапсың –Отаным» әні болды.

WorldSkills қозғалысы жас мамандарға кәсіби дағдылары мен құзыретіліктерін көрсете алуға және техникалық және кәсіби білім беру аясында басқа қатысушылармен озық тәжірибе алмасуға мүмкіндік береді. Біз, барлық қатысушыларға кәсіби жеңістер, жұмысшы мамандығын игеруде жастар мәртебесінің артуын, сенімді әлеуметтік серіктестер және еліміздің елеулі өсуін тілейміз!

Педагог-ұйымдастырушы

Морозенко С.М.