Байқаудың 2023 жылғы тақырыбы – «Туған жер қазынасы». «Сәндік-қолданбалы өнер ұжымының жетекшісі, ұстаз» біліктілігі бойынша студенттер конкурстық көрмеге шығармашылық жұмыстарын тыңғылықты дайындап, өз нәтижесін көрсетті. «Сәндік-қолданбалы өнер» аталымы бойынша екінші және үшінші дәрежелі дипломдарды төртінші курс студенттері Қайырбек Арайлым мен Соляникова Анастасия алды, жетекшісі музыка және сәндік-қолданбалы өнер кафедрасының арнайы пәндер оқытушысы – Аби Л.С. Ал 3-курс студенті Гаус Ангелина алғаш рет «Графика» номинациясында үшінші орын алды, жетекшісі музыка және сәндік-қолданбалы өнер кафедрасының арнайы пәндер оқытушысы – Ковбица А.Н. Жеңімпаздарымызды кезекті жеңісімен құттықтап, шығармашылық табыстар мен жаңа жеңістер тілейміз!