2023 жылдың желтоқсан айының 5 күні тарихы сонау 1963 жылдан бастау алған Қостанай жоғары педагогикалық колледжі мерейлі 60 жылдық мерейтойын атап өтті. Құрылғанына 60 жыл толған Қостанай жоғары педагогикалық колледжі мерейтойға арналған «Туған күніңмен – туған коледжім» атты салтанатты мерекелік концерт өткізді. Өздерінің саналы ғұмырын ұрпақ тәрбиесіне арнап сан мың шәкіртті алдарынан шығарып салған, бүгін де зейнет жасына келген бір топ ардагер ұстаздарымыз мерейтойдың құрметті қонақтары болды. Ардагерлер атынан колледждің ардагерлер кеңесінің төрағасы Майер Ольга Александровна ұжымды мерейтоймен құттықтап, өзінің жылы лебізін білдірді. Айтулы шараға құттықтау лебіздерін білдіру үшін Қостанай облысы әкімдігінің білім басқармасының басшысының Жумина Жанагуль Серикпаевна, Қостанай облысы әкімдігі білім басқармасының әдістемелік орталығының міндетін атқарушы Бокаева Марал Меңдыбаевна, Қостанай қаласы әкімдігінің мәдениет және тілдерді дамыту бөлімінің басшысы Сауле Иркановна Азимжанова, Halyk Банкі директорының орынбасары Литвинова Г.А. келіп, өздерінің ақ тілектерін білдірді  Қонақтар өркендеу, сәттілік пен денсаулық тілеп, мұғалімдерге шыдамдылық пен еңбегі үшін алғыс айтты. Саналы тәрбие, сапалы білім беруде нәтижелі жұмыс атқарып келген бірқатар ұстаздарға Құрмет грамоталары табысталды. Марапаттау жалпы суретке түсірумен аяқталды. Атап айтқанда, Қостанай облысы әкімдігінің білім басқармасының грамотасымен директордың оқу ісі жөніндегі орынбасары Ахат К.З., №2 мектеп бөлімінің меңгерушісі Ким Р.А., орыс тілі мен әдебиеті пәнінің оқытушысы Кудиярбекова А.М., директордың тәрбие жөніндегі орынбасары Морозенко С.М., экономика пәндері оқытушысы Султанова Г.Е., Қостанай облысы әкімдігі білім басқармасының әдістемелік орталығының құрмет грамотасымен арнайы пәндер оқытушысы Волошко В.И., директордың оқу-өндірістік жұмысы жөніндегі орынбасары Жунусова К.С., филология кафедрасының меңгерушісі Кенжегарина А.А., арнайы пәндер оқытушысы Молдабаева А.У., арнайы пәндер оқытушысы Салькенова М.К., арнайы пәндер оқытушысы Сандыбаева А.Б., директордың оқу-әдістемелік жұмысы бойынша орынбасары Чуркина Т.А., Қостанай облысы әкімдігінің мәдениет басқармасының грамотасымен арнайы пәндер оқытушысы Бактыгалиева А.К., хореография кафедрасының меңгерушісі Доспанова С.М., арнайы пәндер оқытушысы Ковбица А.Н., арнайы пәндер оқытушысы Лопарева Ю.В., Рысбеков Д.К., музыка және сәндік-қолданбалы шеберлік кафедрасының меңгерушісі Рыспаев А.Ж., Қостанай қаласы әкімдігінің мәдениет және тілдерді дамыту бөлімінің Қостанай қаласы әкімдігінің мәдениет және тілдерді дамыту бөлімінің грамотасымен арнайы пәндер оқытушысы Казкенова М.С., арнайы пәндер оқытушысы Таманцева Н. В., арнайы пәндер оқытушысы Шаяхметова Б.Е. марапатталды. Сонымен қатар Қостанай облысы білім және ғылым ұйымдары қызметкерлерінің жергілікті кәсіптік одағының төрағасы Цымбалюк Василий Александрович өзінің жылы лебізін білдіріп, материалдық үстел есепшісі Абуталипова Муслима Галымовна, дене тәрбиесі пәнінің оқытушысы Дюсекеева Мехрибан Мехмановна, №3 бөлім меңгерушісі Темирбекова Айгуль Тулегеновна «Қостанай облысы білім қызметкерлерінің кәсіподақ қозғалысына сіңірген еңбегі үшін» төсбелгісімен, директордың шаруашылық бөлімі жөніндегі орынбасары Баранова Светлана Анатольевна, мәдениет бөлімінің меңгерушісі Гливина Евгения Викторовна, бастауыш және әскери, технологиялық даярлықтың басшысы Нурпеисов Раимбек Тулебаевич, колледж қызметкері Матрос Наталия Васильевна, кадрлар бөлімінің меңгерушісі Рахметова Алмагуль Рымовна Қостанай облысы білім және ғылым ұйымдары қызметкерлерінің жергілікті кәсіптік одағының грамотасымен марапаттады. Өз құттықтау сөзінде Қостанай жоғары педагогикалық колледжінің директоры Уразамбетова Галия Ульмесханова ардагерлерге, қонақтарға, білім алушылар мен оқытушыларға өз ризашылығын білдіріп, мектепке дейінгі бөлім меңгерушісі Абдиханова Кунжанат Оразовнаны, № 1 мектеп бөлімінің меңгерушісі Ибраева Лайлим Бериковнаны, арнайы пәндер оқытушысы Попова Галина Алексеевнаны, колледж лаборанты Сарбасова Дана Турсынгалиевнаны, арнайы пәндер оқытушысы Тулепова Данара Жылгельдыновнаны құрмет грамотасымен марапаттады. Тарихы терең, шежіресі мол оқу орнының түлектері де арнайы келіп, мерекелік көңіл-күймен мәртебесі асқақтаған ұстаздарға алғыстарын білдіріп, білім ұясының мерейлі мерекесімен құттықтап қайтты. Білім берген шәкірттерінің еңбек жолындағы үздік жетістіктері - колледж үшін зор мақтаныш бола бермек. Қостанай жоғары педагогикалық колледжінің 60 жылдығына арналған салтанатты концертте әр жылдағы түлектер Серік Кадыржанов, Әділжан Букенбаев, Ақбота Дукенова және Н.А. Авдееваның жетекшілігімен «Новое поколение» вокалдық тобы және Ю.В. Лопареваның «Жүрек дауысы» вокалдық ансамблі әуезді әуенімен, мың бұралған билерімен өнерлерін көрсетті. Біз өз білім алушыларымыз бен түлектерімізді және олардың жетістіктерін мақтан тұтамыз! Жарқырап жайнай бер, сүйікті колледжім!

«Филология» кафедрасының

меңгерушісі Кенжегарина А.А.