Кездесудің басты мақсаты жатақханада тұратын студенттерді мінез-құлық стандарттары, психологиялық денсаулық, моральдық принциптер, жатақхананың жұмыс уақыты, тіркелу ережелері және колледж мүлкін сақтау сияқты маңызды мәселелер бойынша ақпараттандыру болды. Осы мәселелердің барлығы шақырылған қонақтар мен колледж қызметкерлерінің қатысуымен өткен жиында талқыланды.

Директордың тәрбие ісі жөніндегі орынбасары Светлана Михайловна Морозенко өз сөзінде осы кездесуді өткізудің өзектілігіне тоқталып, тәрбие жұмысына қатысты негізгі мәселелерге және ҚР Министрінің бұйрығымен бекітілген білім беру ұйымдарының жатақханаларында орындарды бөлу ережесіне тоқталды. Қазақстан Республикасының білім және ғылым министрлігінің  2016 жылғы 22 қаңтардағы  № 66 бұйрығына сәйкес.

Қостанай қалалық ІІБ Оңтүстік полиция бөлімінің кәмелетке толмағандар істері жөніндегі аға учаскелік инспекторы полиция капитаны Насамбаева Диана Тұрсынқызы кәмелетке толмағандардың қоғамдағы құқық нормаларын және имандылық нормаларын сақтауы туралы сауалдарын ортаға салды.

Шақырылған қонақтардың бірі Қостанай облыстық психикалық денсаулық орталығының психологы Гүлсім Айтжанқызы Бисимбаева жастардың психологиялық денсаулығын сақтау (есірткі, нашақорлықтың алдын алу, синтетикалық есірткіні қолданудың салдары және жыныстық қол сұғылмаушылық) тақырыбында баяндама жасады.

Студенттерді директордың шаруашылық жөніндегі орынбасары Баранова Светлана Анатольевна айтқан «Жатақханаға көшу және колледж мүлкін сақтау кезіндегі әрекеттер алгоритмі туралы» тақырыбы қызықтырды. Әлеуметтік педагог Гүлнар Аронқызы Мұратова жатақханада тұратын студенттерге әлеуметтік көмек көрсету мәселесін қарастырды. Сондай-ақ отырыста қабылдау комиссиясының жауапты хатшысы Солодова Светлана Вадимовна колледжде кәсіптік бағдар беру жұмысын ұйымдастыру және жүргізу мәселесі бойынша сөз сөйледі.

«Қостанай жоғары педагогикалық колледжінде студенттерге жайлы өмір сүруге барлық жағдай жасалған жатақхана берілген, бұл білім алудың маңызды шарты. Колледж жатақханасында жайлы тұру студенттік өмірге және қоғамдағы әлеуметтенуге әсер ететін маңызды  фактор», - деді Светлана Михайловна кездесуді қорытындылаған кезде.

  Педагог- психолог Сабанова А.Ж.