кәсіби шеберлік байқауының сырттай кезеңі өткізілді. Байқаудың мақсаты: педагог қызметкерлердің кәсіби шеберлігін арттыру, үздік педагогикалық тәжірибені анықтау; педагогикалық тәжірибені жалпылау нысандарын жетілдіру; біліктілікті арттыру үшін мотивация құру; шығармашылықпен жұмыс істейтін, талантты педагогтерді анықтау.

Байқаудың міндеттері:

1)  озық педагогикалық тәжірибені тарату;

2) педагог  мәртебесін нығайтуға және оның имиджін арттыруға жәрдемдесу;

3)  үздік педагогикалық практикаларға қолжетімділікті қамтамасыз ету;

4)  шығармашылық қызметті жандандыру, педагог қызметкерлердің кәсіби қызметін ынталандыру.

Байқаудың бірінші сырттай кезеңіне колледждің алты педагогі қатысып, озық педагогикалық тәжірибені тасымалдайтын бейнеролик, жұмысты бағалаудың сапалық және сандық көрсеткіштері бар кесте, сондай - ақ ұсынылған тақырыптардың: «Мен мұғалім мамандығын таңдадым», «Менің педагогикалық философиям», «Білім берудегі сын-қатерлер: табыс тарихы», «Мұғалімнің оқушының өміріне әсері: жеке табыс тарихы»,  «Тәрбиеші - тәлімгер жас мұғалімдерді шабыттандырады және бағыттайды» - біріне эссе жазу ұсынылды. Байқаудың екінші кезеңіне колледждің бес педагогі қатысып, оқу сабақтарын өткізу кезінде өзінің кәсіби тәжірибесін көрсетті.  Оқу сабақтарын бағалау кезінде қазылар алқасының мүшелері мынадай өлшемшарттарды басшылыққа алды: оқу сабағының мақсаттарының негізділігі, мазмұнын іріктеудің оңтайлылығы, педагогтің білім алушыларды белсенді оқытуға тарту жөніндегі қызметі, дидактикалық жарақтандыру, білім алушылардың қызметі және сабақ барысында бақылау-бағалау қызметі. Комиссия  мүшелері сабақтарды өткізудің жоғары әдістемелік деңгейін, заманауи білім беру технологияларын шебер меңгеру мен пайдалануды, білім алушылардың рефлексивті-бағалау қызметін дамыту жөніндегі жұмысты атап өтті.

Байқау қорытындысы мен қазылар алқасы мүшелерінің шешімі бойынша жүлделі орындар келесідей бөлінді:

«Қостанай жоғары педагогикалық колледжінің үздік педагогі» байқауындағы Бас жүлде шет тілдері кафедрасының арнайы пәндер оқытушысы Тамаша Залеловна Мұхамеджароваға бұйырды;

Бірінші орынға мектепке дейінгі тәрбие кафедрасының оқытушысы Любовь Викторовна  Саулина;

Екінші орынға жаратылыстану-гуманитарлық пәндер кафедрасының оқытушысы Ольга Антоновна  Рихтер ие болды;

Үшінші орынды екі педагог бөлісті, олар: хореография кафедрасының оқытушысы Михаил Юрьевич Борский және филология кафедрасының оқытушысы Татьяна Евгеньевна Ткаченко.

Құрметті әріптестер!  Байқау нәтижелері-бұл әрқайсыңыздың жоғары кәсібилігіңіз бен кемелдікке деген ұмтылысыңыздың лайықты танылуы.  Сіздің еңбекқорлығыңыз, талантыңыз және өз ісіңізге деген адалдығыңыз жоғары нәтижелерге және қойылған мақсаттарға қол жеткізуге ықпал етеді.  Сіздерге жаңа шығармашылық және кәсіби табыстар, жоғары нәтижелер және кәсіби қызметте жетістіктер тілейміз!

Т.А.Чуркина,  директордың оқу-әдістемелік жұмыс жөніндегі орынбасары