ғылыми студенттік қоғамының қатысушылары дайындаған «Өмірдегі ғылым. Ғылым өмір үшін» тақырыбында Ғылым апталығының ашылу салтанаты өтті. «Пирамида» ғылыми студенттік қоғамы – ғылыми, ұйымдастырушылық және ғылыми-зерттеу жұмыстарына қызығушылық танытатын колледж білім алушылары мен оқытушыларының негізінде біріккен қоғамдық ұйым. 2023-2024 оқу жылында «Пирамида» ғылыми студенттік қоғамының жұмысы барысында колледж білім алушылары түрлі олимпиадаларға, ғылыми-тәжірибелік конференциялар мен семинарларға қатысып жоғары нәтижелер көрсетті.
Қостанай жоғары педагогикалық колледжінде жыл сайынғы Ғылым апталығын өткізу игі дәстүрге айналды. Бұл күндері білім алушылар мен оқытушылар ғылыми-зерттеу жұмыстарының дайын өнімдерін ұсынады. Ғылым апталығының әр күні қызықты оқиғаларға толы болады: «Объективтегі ғылым» фотобайқауы, кітапханада «Шексіз ғылым» тақырыбындағы кітап көрмесі, «Ақылдылар» интеллектуалды ойыны, «Ақылға арналған гимнастика» интерактивті ойын алаңы, «Жаңа көкжиектерді ашу» ғылыми-зерттеу тренингі, «Ғылыммен – болашаққа» білім алушылардың ғылыми-зерттеу жұмыстары байқауы.
Құрметті оқытушылар мен білім алушылар 2024 жылдың 15-19 сәуірі аралығында сіздерді ғылым әлеміне, қызықты жаңалықтар мен жаңа мүмкіндіктерді тамашалауға шақырамыз!

Қасқырбаева Мөлдір Ормантайқызы, әдіскер