Ғылымсыз бүгінгі күні адам өмірін елестету мүмкін емес. Қазіргі таңда ғылым қарыштап дамуда. Ғылымның арқасында адамзат тұрмысына, өміріне қажетті жаңалықтар ашылуда.  Қостанай жоғары педагогикалық колледжінде «Өмірдегі ғылым. Ғылым өмір үшін» тақырыбындағы Ғылым апталығы өз мәресіне жетті. Апталық аясында ұйымдастырылған іс-шараларға колледж оқытушылары мен білім алушылары белсене атсалысып, өз білім деңгейлерін көрсетіп, жүлделі орындарға ие болды. Атқарылған іс-шараларды қорытындылау мақсатында 2024 жылдың 19 сәуір күні Ғылым апталығының жабылу салтанаты өтті. Апталық қорытындысы бойынша белсене қатысқан білім алушылар марапатталып, мадақтамалар мен алғыс хаттар табысталды.  «Ақырын жүріп анық бас, еңбегің кетпес далаға» - деп Ұлы Абай айтқандай, әрбір білім алушының еңбегі еленбей қалған жоқ. Оқытушыларға шабыт, білім алушыларға табыс тілей отырып, бағындырар бағыттарыңыз көп болсын дегіміз келеді.