Ал өнерлі адамдар әрқашанда жоғары бағаланып халықтың мәңгі есінде қалады. Оған мысал ретінде, қазір біз баяғы заманның бай-ақсүйектерін емес, әнші-жыршыларын, сал-серілерін еске алатынымызды айтуға болады. Оған қоса білім мен өнерді таусылмайтын азық деуге болады. Өнерді ешқандай апат жойып кете алмайды. Ал керісінше малды бір жұт, егінді бір құрғақшылық немесе қазіргі заманда бір саяси келіспеушілік байлықты жоққа шығаруы мүмкін. Өнердің адам өмірінде алатын орны басым. Өмір өнермен өрнектелген. Өнерлі адамның өмірі қуаныш пен қызыққа тола. Адамның қолынан шыққан әр туынды өзінше өнер. Қазіргі таңда өнердің қырлары көп. Мектепке дейінгі тәрбие және оқыту кафедрасының апталығынды «Бір тұтас тәрбие аясында» Т-41 тобымен «Өнерлі өрге жүзер» тақырыбында куратор сағаты  өткізілді.Куратор сағаты сайыс ретінде ұйымдастырлып бірнеше  кезеңдерден құралды.

• Өнер алды-қызыл тіл. ( Мақал-мәтелдер сайысы)
• Білікті бірді жығар,

Білімді мыңды жығар. 

(Ата салтым – асыл мұрам, ардағым,

Бабалардың жалғастырар арманын.

Сан ғасырда қалпын бұзбас қадірім,

Өткеніңді бүгінменен жалғадым.

Салт - дәстүрге байланысты сұрақтар)

• Қол өнер-мол өнер. (Машықтамамен байланыс дидактикалық материалдарды әзірлеу )

   Сайыс барысында білім алушылар жан-жақты өнер мен білімдерін көрсетіп ,белсенді атсалысты.Келген қонақтар білім алушылардың жоғары дайындығын бағалап ерекше ықылас білдірді.

       Мектепке дейінгі тәрбие кафедрасының арнайы пәндер оқытушысы:Жолдыбаева Д.С.