Заманауи білім беруде сыни ойлауды, шығармашылық пен ұжымдық рухты дамытуға ықпал ететін интеллектуалды ойындар маңызды орын алады. Мектепке дейінгі тәрбие және оқыту бөлімінің апталығы аясында 29 қараша күні «Өз ойыным» атты зияткерлік ойыны ұйымдастырылды.

Іс-шара әртүрлі оқу орындарының: музыка, хореография, сәндік-қолданбалы өнер, педагогика, филология педагогтарын жинап, біріктіруге мүмкіндік берді. Зияткерлік ізденіске басқарма мүшелері де белсене қатысты. Қатысушылар ойын тапсырмалары арқылы балалық және жасөспірімдік шаққа еніп қана қоймай, азғантай бұзақылыққа да жол берді. Үш команда жеребе бойынша құрылды, бұлалдын-ала жоспарланбады.

Педагогикалық еңбек ардагері Валентина Александровна Лойко, директордың ақпараттық-коммуникациялық технологиялар жөніндегі орынбасары Жанар Илеусізқызы Кубжасарова, сондай-ақ Жастар ісі жөніндегі комитеттің шығармашылық төрағасы Юрий Андреевич Шарунов бар құрметті қазылар алқасының мүшелері байқаудың өту барысын мұқият бақылап отырды. Әділ қазылар қатысушылардың жауаптарын бағалап, ең лайықты жеңімпаздарды таңдады. Олар объективті таңдау жасауға, қатысушылардың ынта-жігерін, логикасын және ең қиын жағдайларда да шешім таба білу қабілетін бағалауы керек болды.

Ойын педагогтарға стандартты емес сынақ ретінде ұсынылды: «Ақыл-ойды қыздыру» сайыс тапсырмасындағы тұзақтары бар қарапайым болып көрінетін сұрақтар, кәсіби терминологиядан кодтық басқатырғыштар, тіпті «Педагогикалық детектив» тапсырмасы. Портрет және білім фрагменті негізінде педагогика саласындағы атақты ұстаздарды анықтау қажет болды. Қатысушылар «Идея генераторы» сайыс тапсырмасы бойынша шығармашылық қабілеттерін және таныс нысандарға жаңа қырынан қарау қабілеттерін көрсетті. Тапсырма оңай болған жоқ! Ұсынылған тармақтардан оларды оқу үрдісінде қолданудың мүмкіндігінше көп жолдарын ойлап табу қажет болды. Әр топ өзіндік, әдістемелік жағынан сауатты және тиімді дамыту жаттығулары мен тапсырмаларын ұсынды, идеялар қайталанбады. «Қара жәшік» үлкен толқу тудырды – бұл сынақ командалардан мұқият талдауды, логикалық ойлауды және кең эрудицияны талап етті.

Топтық жұмыс жаңа деңгейге көтерілді: педагогтар әріптестерінің пікірін мұқият тыңдай отырып, әрекеттерді үйлестіру қабілетін көрсетті; ұстанымдарын нанымды қорғады. Талқылаулар кейде күтпеген жаңалықтарға әкелді немесе қате шешімдердің себебі болды - шындықты іздеуде «қазбалар». Жарыс шынайы құмарлықты, жеңісті алдын ала сезінуді және эмоциялардың жарылуын оятты. Іс-шараның атмосферасы жылылық пен достыққа толы болды.

Оқытушылар мол кәсіби білімдерін көрсетіп қана қоймай, тәжірибелерін жаңа әсерлермен, қызықты деректермен байытты. Нәтижесінде қатысушылардың жүрегінде тек жағымды эмоциялар мен естеліктер қалдырған ұмытылмас зияткерлік сайыс болды.

Мектепке дейінгі тәрбие мен оқыту

 кафедрасының оқытушылары

Попова Г.А. , Саулина Л.В.