Машықтаудың балаға әсері:

Тәжірибе барысында байқағанымыз, әрбір бала өзіне ерекше назарды қажет етеді. Машықтау сабақтары балалардың:

• өз-өзіне деген сенімділігін қалыптастыруға,
• логикалық ойлау қабілетін дамытуға,
• қарым-қатынас жасау дағдыларын меңгеруге көмектеседі.

        Әсіресе ойындар арқылы балалардың жаңа білімді жеңіл меңгеретінін көрдік. Мысалы, түстерді ажырату немесе санап үйрену ойындарында балалардың қызығушылығы ерекше байқалады.

       Машықтау әдістері:

Практика барысында тәрбиешілер қолданатын түрлі әдіс-тәсілдермен таныстық. Олардың кейбірін өзіміз де тәжірибеде сынап көрдік:

            1.Топтық ойындар:

      Топтық ойындар балалардың бір-бірімен ынтымақтастықта жұмыс істеуін дамытады. Бұл ойындар арқылы балалар тек қана ойын ережелерін үйреніп қоймай, бір-біріне көмектесуді, ортақ мақсатқа ұмтылуды меңгереді.

2. Шығармашылық тапсырмалар:

      Балаларға сурет салу, мүсіндеу немесе аппликация жасау сияқты тапсырмалар берілгенде, олардың қиялы шарықтай түседі. Біз де балаларға осы бағытта көмектесіп, олардың ерекше идеяларын байқап, шабыттандырдық.

            3.Музыкалық және қимыл-қозғалыс жаттығулары:

       Музыкалық сабақтарда балалардың ритмді сезінуі, әуенге билеуі олардың эмоционалды дамуына әсер етеді. Осы сабақтарға қатысып, балалардың қуанышқа толы жүздерін көргенде, біздің де жұмысқа деген қызығушылығымыз артты.

            4.Күнделікті әдеттерді қалыптастыру:

       Машықтау барысында балаларға күнделікті тәртіпке үйрету маңызды екенін түсіндік. Тамақтану алдында қол жуу, ойыншықтарды жинау сияқты қарапайым істерді балалармен бірге орындап, олардың жауапкершілік сезімін оятуға тырыстық.

       Біздің тәжірибемдегі әсеріміз:

Практика барысында әрбір баланың ерекше екенін түсіндік. Кейбір балалар ашық, өз ойын еркін жеткізсе, енді біреулері ұяңдау, көмекке мұқтаж. Сондықтан машықтау әдістерін әр балаға бейімдеп қолдану маңызды. Бұл тәжірибе мені шыдамдылыққа, байқампаздыққа және шығармашылыққа үйретті.

     Бала бақшада машықтау тек балалар үшін ғана емес, біз сияқты практиканттар үшін де үлкен тәжірибе алаңы. Балалармен жұмыс жүргізе отырып, олардың әлеміне жақындап, өмірге басқа қырынан қарауды үйрендік. Бұл тәжірибе болашақ мамандығымның маңызды бөлігі болып табылады және біз үшін үлкен мектеп.

                                                             Т-12 тобының білім алушысы; Мусаева Гульназ.,

                                                              әдіскер; Абжанова А.К.