Ашық сабақтардың бірін 05 желтоқсанда ДПМ-11 (1-кіші топ) тобында арнайы пәндер оқытушысы А.Н. Ковбица өткізді. «Материалдарды көркем өңдеу шеберлігі» пәнінен өткізілген сабақ тақырыбы «Папье-маше. Карнавалдық маскалар» деп аталды. Студенттер карнавал маскаларының тарихы және жасалу пинциптерімен танысты. Сабақ әңгімелесу, бейнематериал көру, тәжірибелік жұмыс, «Paint» графикалық редакторда орындалған көрнекі құрал, практикалық жұмыстың музыкалық сүйемелденуі, сергіту сәті, рефлексия сынды түрлі мазмұндағы жұмыс, әдіс-тәсілдерді қамтыды.

13 желтоқсанда «Сәндік-қолданбалы шеберлік және дизайн» кафедрасының меңгерушісі Б.М.Баякова ДПМ-21 тобында «Бейнелеу және сәндік-қолданбалы өнер тарихы» пәнінен «Сәндік-қолданбалы шеберлік» тақырыбына ашық сабақ өткізді. Сабақ көрнекі материалдың, әдістер мен тәсілдердің сан алуан түрімен ерекшеленді. Студенттер сәндік-қолданбалы шеберлік теориясымен танысып қана қоймай, өз туындыларын да жасап шығарды. Айталық, студенттер қыш шеңбер үстінде балшықтан мүсін (құмыра) жасап, тоқылмаған гобелен әзірледі, графикалық планшетті пайдалану арқылы эскиздер орындап, күйдіру аппаратымен пирография техникасында сурет салды. Сабаққа шақырылған сарапшылар мен педагогтер тоқылмайтын гобелен дайындау, пирографияға қатысты тәжірибелік жұмысқа қатысып, өздерін сынап көрді.

СҚШ және дизайн кафедррасының

оқытушысы Б.М.Баякова