Соңғы кездері тұрмыстық зорлық-зомбылық туралы көп естейтін болдық. Жаңадан құрылған жас отбасылар осы тұрмыстық зомбылықтың кесірінде ажырасып, бір бірін түсінбей жатады,соған қоса жас өспірім балалардың психологиясы бұзылып жатыр.Бұл тақырып көптеген қасіретті жағдайларға әкеліп жатқандықтан, отызыншы қаңатарда Костанай педагогикалық колледжінің жатақханасында «Тұрмыстық зорлық-зомбылық» тақырыбында жиын өтті.

Бұл жиында колледжіміздің бірінші курс студентінен бастап төртінші курс студентіне дейін қатысты. Осы жиын барысында, студенттердің назарына үш бейнебаян көрсетіліп, сұрақ жауап арқылы бейнебаянан алған әсерлерімен бөлісті. Бұл тақырыпқа байланысты білімімізді толықтыру үшін, жатақхана тәрбиешісі Баранова Светлана Анатольевна өзінің қосымша дайындаған баяндамасын оқыды. Сонымен қоса, осындай жағдай болашақта кездесетін болса, қандай шаралар қолдану керектігін ескертті.

2-ші курс студенттері

Агибаева Әселхан,Рахымбек Мадина