Байқауды ұйымдастырушы- математика  және  ақпараттық технологиялар кафедрасы.

Сәйкестік деуге келмес, әйтсе де Жастар жылында байқауға қатысушылардың дені колледждің жас оқытушылары болды.

Байқаудың мақсаты-IT-технологияларды кәсіби қызметінде  қолданатын педагогтердің озық тәжірибесін анықтап, тарату.  

Байқауға қатысушыларға төрағалық еткен әділ қазылар алқасның құрамына  директордың ақпараттық технологиялар жөн.орынбасары Ж.И. Көпжасарова, директордың оқу-өндірістік  практика жөн. орынбасары Қ.З. Ахат, колледж әдіскері С.А. Баекенова кірді.

Байқау 3  турдан құралды:

1- тур – «Визитка және ИКТ-дағы менің жаңалығым»;

2 -тур – «АКТ оқу-тәрбие үдерісінде»;

3- тур – «Интерактивті алаңқай».

Байқауға қатысушылар жоғары кәсіпқойлық деңгейін, терең шығармашылық әлеуетін көрсетіп, білім беру қызметінде АКТ-ны тиімді пайдалана алатындықтарын паш етті.

Байқаудың жүлделі орындары былайша бөлінді:  

байқау жеңімпазы– мектепке дейінгі тәрбие кафедрасының оқытушысы Третьякова Ольга Викторовна;

1 -орын – филология кафедрасының оқытушысы Арыстан Нұралы Нұрланұлы;

2 -орын– педагогика және психология кафедрасының оқытушысы  Бейсенбаева Гүлім Ғалибекқызы;

3-орын – жаратылыстану-гуманитарлық пәндер кафедрасының оқытушысы  Балаканова Альбина Есболатқызы;

«АКТ-дағы менің олжам» аталымы  сәндік-қолданбалы шеберлік және дизайн кафедрасының оқытушысы Әби Ләйлі Сайфуллақызына бұйырды.

«IT-зерттеуші» аталымы музыка кафедрасының оқытушысы  Сағымбаева Айдана Сәтжанқызына берілді.

Біз «IT- жаңашыл» байқауының жеңімпаздарын құттықтаймыз. Байқауға қатысушыларға шығармашылық табыс, биік рух, және жасампаз болашақ тілейміз.

Ж.И.Көпжасарова,

директордың ақпараттық технологиялар жөн. орынбасары