Ойынның қатысушылары Қостанай облысы әкімдігі білім Басқармасының «Қостанай педагогикалық колледжінің» КМҚК  1-2 курс студенттері болды. Қатысушылардың командалық құрамын айта кететін болсақ, олар –№1 және №2 мектеп бөлімдері, Өнер бөлімі және Мектепке дейінгі тәрбие және оқыту бөлімдерінің үш тілді меңгерген алғыр да білімді студенттері. ZOOM платформасында өткен үштілді ойынның басты мақсаты - студенттердің ағылшын тілін оқуға деген қызығушылығын арттыру, колледж студенттерінің көпмәдениеттілігін дамытуға үлес қосу. Жалпы ойын 3 турдан тұрды: командаларға сұрақ-жауап, команда капитандары арасындағы жарыс және көрермендермен интерактив. Командаларға берілген сұрақтар ағылшынтілді елдердің, сонымен қоса Қазақстанның салт-дәстүріне, ұлттық рәміздер мен географиялық орналасуына, тарихына қатысты күрделі әрі қызықты, мағыналы болды. Студенттердің тапқырлығы, сұрақтарға жауап берудегі шапшаңдықтары, жан-жақты білімділігі көрермендерді таң қалдырды. Шетел тілдері кафедрасының оқытушысы әрі викториналық ойынның жүргізушісі - Татьяна Леонидовнаның барлық тур бойы мүдірмей үш тілде жетік сөйлеп, жастарға үлгі болғанына куә болдық. Шетел тілдері кафедрасының оқытушысы – Юсупова Алина Канабековна және «Шетел тілінен бастауыш білім беру мұғалімі» мамандығының 4 курс студенті Маряк Динара командалардың жауаптарына байланысты ұпай сандарымен бағалап, әділқазылық етті. Ойынның жалпы ұпай санының қорытындысымен №1 мектеп бөлімінің студенттері жеңіске жетті.

Тәуелсіз Қазақстанымызда ұлттар достығы – өнеге, халықтар достығы – үлгі. Ел жастарының әлемді тануы, әр елдің мәдениетін білуі – тікелей ұстазына, қалыптасқан ортасына байланысты. Болашақта көпмәдениеттілікті дамыту іс-шаралары әлі де жалғасын табады деп сенеміз.

Молдахметова Г. М.,

шетел тілдері кафедрасының оқытушысы,

педагогика ғылымдарының магистрі