технологияларды қолдануымыз қажет. Себебі жаңа технологиялардың ерекшелігі-оның оқушыға жан-жақты ықпал етуі. Яғни, тек білімді немесе оқу бағдарламасын меңгертіп қоймай, жеке тұлғаның танымдық қабілеттерін, танымдық процестерін (есту, көру), өзін-өзі дамыту, бекіту, шығармашылық қабілеттерін қалыптастыру, белсенді сөздік қорын дамытуға, өз бетімен білім алуға, ізденуге деген ықыласы мен іскерлігін, оқу-танымдық ынтасын жетілдіру, әрі жеке тұлғаны жан-жақты дамытуға жетелейді.
Осы мақсатты көздей отыра, педагогика және психология кафедрасының әдіскерлерімен ұйымдастырылған  « Жаңартылған білім беру аясында  пәндерді оқытудағы жаңа әдіс-тәсілдер» тақырыбында  «Бастауыш білім беру » мамандығының 4 курс студенттеріне арналған шеберлік сабағы өтті.  Шеберлік сабағында  Қостанай қаласы әкімдігінің білім бөлімінің № 5 «А» мектеп-гимназиясының  3-сынып оқытушысы Синнер Татьяна Александровна және колледжіміздің үздік түлектері Әулиекөл ауданы әкімдігінің білім бөлімінің   Федосеев негізгі мектебінің 3-сынып оқытушысы  Батырханова Асем Болтириковна,  Қостанай қаласы әкімдігінің білім бөлімінің № 29 орта мектептің 1-сынып оқытушысы  Сапабекова Диана  Маралқызы өз сабақтарындағы жаңартылған білім мазмұнынында  оқытудың әдіс-тәсілдерін үйлестіре қолдану жолдарын көрсеткен болатын. Оқытушылар «Әдебиеттік оқу», «Сауат ашу», «Жаратылыстану» пәндері бойынша өз сабақтарында оқу әрекеттеріне сәйкес тапсырмаларды түрлендіру, бірлескен топтық жұмысты ұйымдастырудағы әдіс-тәсілдерді, диалогтік оқыту, проблемалық оқыту, сын тұрғысынан ойлауды қалыптастыратын стратегияларды сонымен қатар ақпараттық коммуникациялық технологиялардың оқушылардың жас ерекшеліктеріне сай қолдану жолдарын көрсетті. Интернет технологиясын, мультимедиалық технологиялары  Bilimland.kz , Imektep.kz қосымшаларында оқушыларға тапсырма беру  жолдарын үйреткен болатын.
Шеберлік сабағына  «Бастауыш білім беру» мамандығының  4 курс студенттері қызығушылық білдіріп, белсене қатысты. Топ студенттері шеберлік  сабақтарында тәжірибе алмаса отырып, жаңа оқыту әдіс-тәсілдерін саралап, талдау жасады.