2021 жылдың 25 қаңтар күні филология кафедрасының салтанатты ашылуы болды. Ашылу салтанаты колледж оқытушылары мен студенттеріне ҚПК YouTybe каналы арқылы көрсетілді. Ашылу салтанатын 1 курс студенттері М-11 тобының студенті Абдирова Аружан мен Ар-11 тобының студенті Кусаинов Сұлтан жүргізді. Биылғы 2021 жылы қазақтың аса көрнекті ағартушы-педагогы, жазушы, этнограф, фольклоршы, қоғам қайраткері Ыбырай Алтынсариннің  180 жылдық мерейтойы. Осыған орай Ы.Алтынсариннің «Таза бұлақ» әңгімесі сахналанып, жастарды ең құнды қасиеттерді: махаббат, құрмет, шыдамдылық, жан тазалығын сақтауға және арттыруға шақырып, сонда айналамыздағы бүкіл әлем таза, мөлдір бұлақ сияқты өзгеретіндігі жайында үндеу айтылды. Содан соң кафедра құрамы туралы мәлімет берілді және апта бағдарламасы таныстырылды.

Бірінші күніміздің екінші жартысында филология кафедрасының оқытушысы Юсова Л.В. «Научу за 5 минут» шеберлік сыныбын өткізді. Шеберлік сыныбы ZOOM бағдарламасы арқылы өтті. Шеберлік сыныбын өткізудің мақсаты: кейбір сөздердің орфоэпиялық нормаларын түсіндіру. Күнделікті өмірде дұрыс қолданылмайтын сөздер туралы ақпараттандыру. Сауатты, білімді мұғалім студенттерге үлгі, сондықтан өткізілген шеберлік сыныбы өз пайдасын тигізеді деп үміттенеміз.

Кенжегарина А.А.

Филология кафедрасының

меңгерушісі