Отбасында әуелі сенім мен сезім, татулық пен ынтымақ, сыйластық  болса, қандай жағдайда болсын өмірдің ащысы мен тұщысын, суығы мен ыстығын, қайғысы мен қуанышын бірге бөлісіп бақытқа жете алады.

Наурыз айының 4-ті күні  осындай бағытпен отбасылық құндылықтарын негізге ала отырып, отбасы мен мектеп арасындағы ынтымақтастықты орнату арқылы  дұрыс әрекет жасау мақсатында  «Бастауыш  білім беру» мамандығының  Ак-41 тобында «Педагогика» пәні бойынша «Отбасы-бала тәрбиесінің алғашқы ұжымы. Отбасы тәрбиесінің негізгі мәселелері. Мектеп пен отбасы, қоғам ынтымақтастығы» тақырыбы бойынша  онлайн форматта ашық сабақ өткізілді.

Сабақ  үдерісінде  «Сын тұрғысынан ойлау технологиясының кейбір  әдіс-тәсілдері  қолданылды. Баланың  жақсы немесе жаман тәрбие алуы отбасы тәрбиесіне байланысты екенін оқушылар  бейнебаянды көре отырып «ПОПС формуласы» арқылы  өз ойлары мен пікірлерін жеткізе білді.Сонымен қатар сабақта  ізденіс жұмыстары мен шығармашылыққа берілген тапсырмаларды  қызыға орындады. Сабақ барысында барлық оқушылар сабаққа белсене қатысып атсалысты.

Сабақ соңында топ басшылары өз топтарындағы оқушыларға сабақтан алған білімдерін жинақтап қорытынды бағаларын айтты.

Осындай мазмұнды, тәрбиелік мағынасы бар сабақтарды жиі  өткізу оқушылар үшін өте пайдалы және тиімді  деп ойлаймын.

Молдагулова Ш.И.