Бұл іс-шарада еліміз үшін қанды майдан қырғында жанын салып,өзін  емес өзгелер үшін күрескен Әлия мен Мәншүктей қос шынарымыздың ерлігі жайында айтылды. Олар өздерінің жас болғанына қарамай оттың астына түсуге дайын болған және елін қорғаймын деп қаза болғандылығы жайында айтылды. Көбінесе біз батыр ерлерімізді атап, еске алып жатқанда қыз-келіншектеріміздің сіңірген еңбегі көленкеде қалып жатады. Медицинадағы қыз батырларымыздың аянбай еңбек еткенділігі жайында, ер адамның орнына ер бола білгенділігі жайында ұмытпағанымыз абзал.  Сонымен қатар, елім, жерім деп рух берген Жамбыл Жабаев секілді ақындарымыздың өлеңдері оқылып, оның  батырларымыз үшін қаншалықты маңызды болғандылығын айта өтті. Дәл сол секілді соғыс уақытында бастарын қауіпке тігіп біршама фото суреттер жасаған сол замандағы журналистердіңде еңбегі жоқ емес. Бүгінгі күні оның барлығы тарих. Ең бастысы сол адамдардың еңбегін бағалап, жемісін көру біздің қолымызда деп ойлаймын. Қазіргі  індетке байланысты карантинге қарамай, біздің яғни,жас ұрпақтың басын қосып осындай керемет іс-шара жүргізген ұйымдастырушыларға алғысымызды білдіреміз.

Сандыбекова Жансая

Қостанай педагогикалық колледжінің

«Бастауыш білім беру» мамандығының

М-21 тобының студенті