Конференцияда бірнеше бағытты таңдай отырып, қатысушылар өз идеяларымен бөлісті. Ол идеялар мазмұндық тұрғыда қазіргі кезде қоғамға, адамға керекті әрі пайдалы кеңестер бере алды. Дегенмен, әрқайсымызға айтылған ескертулермен алдағы уақытта жұмыс жасаймыз деген ойдамын. Жалпы, TEDx конференцияларының мақсаты – адамдардың өз тәжірибелеріне сүйеніп идея ұсынуы. Оны тыңдармандарға дұрыс жеткізу арқылы,  олардың қызығушылығын ояту. TEDx-тің басқа конференциялардан айырмашылығы – ол бейресми, еркін пікір алаңы. Ол адамдарға өз ойымен бөлісуге, ауызша сөйлеу тілің жетілдіруге көмектеседі. Өткен конференцияда біз психология, мәдениет және бизнес бағыттарын таңдадық. Соған сәйкес біздің қаламызда ұйымдар мен мекемелер ашуды ұсындық. Болашақта оған үміт артамыз.

Мен бұл конференцияға қатысып, үлкен әсер алдым. Ең бастысы өз ойымды жеткізу, көрермендермен жұмыс жасай білу жөнінде көп тәжірибе жинақтадым. Конференцияның соңында әрбір қатысушы сертификаттар мен мадақтамалар алды. Менің жұмысым «Үздік идея» номинациясының иегері атанды. Ол мен үшін үлкен жетістік болды. Сонымен қатар,  бізге алдағы уақыттарда әлі де өткізлетін бұл конференцияға қатысу ұсынылған болатын. Біз, әрине, қуана қатысатын ниетімізді білдірдік.

АК -11 тобының студенті

Адылханова Альфия