Дөңгелек үстелге Ш. Кабылбаев атындағы ҚР ІІМ Қостанай акамедиясының аға оқытушысы, педагогика және психология пәндерінің магистрі Туйганов Мырзабек Сардарович, сондай-ақ филология кафедрасының оқытушысы Арыстан Нуралы Нурланұлы және «Бастауыш білім беру» мамандығының студенті  Дементьев Александр қатысты. Жиын жаратыстыну-гуманитарлық пәндер кафедрасының ұйымдастыруымен өтті.

Елбасының «Ұлы даланың жеті қыры» атты мақаласы біздің бай ұлттық тарихымызды зерттеуге, насихаттауға бағытталған. «Бұл мақала арқылы Елбасы өзінің патриоттығымен, бүкіл әлемге Қазақстанның кім екендігін көрсету арқылы халқымыздың тарихи рухын көтере білді,» - деп Нуралы Нурланұлы өз сөзін қорытындылады. 

«Бастауыш білім беру» мамандығының студенті  Дементьев Александр өз баяндамасында, бүгінгі Елбасының «Ұлы даланың жеті қыры» мақаласы барша жастардың тарихын тереңінен танып біліп, Отансүйгіштік қасиетінің артуына сөзсіз жоғары идеологиялық тәрбие болмақ. Ұлттық құндылықтарымызды тарих арқылы санамызға жаңғырта бастағанымызға ерекше қуаныштымын. Жастарымыз сонау замандарда Қазақстанның қай түкпірінде болмасын ата-бабаларымыздың тектілігіне тағы да бір көз жеткізетін болды. Елбасы мақаласында жазылған жолдар менің жүрегімді одан сайын нұрландыра бастады. Өйткені тарихымыз бен мәдениетімізді өскелең ұрпақ санасына жеткізу қастерлі міндеттің бірі екендігін атап өтті.

Туйганов Мырзабек Сардаровичтің баяндамасында «Ұлы даланың жеті қыры» мақаласы ұлттық мұраларымызды терең тануға серпін беретін үлкен тарихи мәнге ие өсиет болып табылатындығы айтылды.

«Елбасы Нұрсұлтан Назарбаев «Болашаққа бағдар: рухани жаңғыру» атты бағдарламалық мақаласында «Ұлттық салт-дәстүрлеріміз, ұлттық рухымыз бойымызда мәңгі қалуға тиіс. Әсіресе, Ұлы Даланың ғасырлар қойнауынан жеткен бабалар үні – бұлар біздің рухани мәдениетіміздің қайнар бұлағы», – деп атап айтқан жолдары рухани жаңғырудың негізі еліміздің өнері мен мәдениетінің қайнар көзі ұлттық күйлері мен ән-жырларымыз күн сайын санамызда жаңғырып тұруы тиіс. 

Еліміздің ұлан байтақ жері мол қазынаға толы әрі бастау бұлағы десек асыра айтқандық емес. Ал енді ғана жазылған «Ұлы даланың жеті қыры» мақаласында келтірілген деректер мен дәйектер, құндылықтар мен мәдени мұралар ұлтымыздың әлем өркениетіндегі орынын айшықтауға бағытталған ауқымды қадам болды деп ойлаймыз.

Ералина А.Е.